Wednesday, 23 November 2016

Impermanence is the only Truth.

སྲིད་པའི་བདེ་བ་ཟེར་རུང་།། རྩ་རྩེའི་ཟིལ་པ་ཙམ་ཅིག།། 
ཡུན་གཏན་གནས་དབང་མེད་པར།། སྐད་ཅིག་ཙམ་ལུ་ཡལཝ་མས།།

མཛེས་པའི་ཡོན་ཏན་ཟེར་རུང་།། གཡར་གྱི་འཇའ་ཚོན་ཙམ་ཅིག།།
སྣ་ལྔའི་འོད་གདང་ཚང་རུང་།། དངོས་མེད་རང་བཞིན་ཨིན་མས།།

དགའ་མཐུན་གཡས་གཡོན་བསྐོར་རུང།། བདེ་བ་འཁྲུལ་པའི་རྨི་ལམ།།
དམ་ཚིག་ལས་ཀྱི་བྲལ་ཚེ།། སྡུག་བསྔལ་རང་རྐྱང་ཉོ་དགོས།།

རྒྱུ་ལོར་རི་ལས་ཆེ་རུང་།། སྙིང་པོ་ཐལ་བའི་རང་བཞིན།།
མི་ཚེ་རིམ་གྱི་རྫོགས་ཚེ།། ཉོ་བའི་རིན་གོང་མི་ལང་།།

འཁོར་བ་སྙིང་པོ་མེདཔ་ལས།། གཞན་ལ་ཕན་སེནས་བསྐྱེད་དེ།། 
རྙིང་པོ་དམ་པའི་ལྷ་ཆོས།། ཡང་དང་ཡིང་ལས་བསྒྲུབ་གནང་།།