༼རྩང་མོ་བརྩེ་བའི་རླུང་མ།།༽
 |
| flowerpictures.net |
ལེགས་པའི་གསེར་ཤོག་མེ་ཏོག།། རྒྱ་མཚོའི་ཕར་ཁ་ཤར་རུང་།།
གསིལ་བའི་རླུང་གི་གཡབས་སྟི།། ཟིལ་དངར་ཚུར་ཁ་ལྷོད་སོང་།།
ཚུར་ལོགས་འཕུར་བའི་སེར་སྦྱངམོ།། ཁྱོད་ལུ་ཆག་དབང་མེད་རུང་།།
དྲི་བསུང་ལྡན་པའི་ཟེའུ་འབྲུ།། ཧུམ་པ་བསྐལ་བ་བཟང་སོང་།།
མཛེས་པའི་དཀར་གསལ་ཟླ་བ།། གནམ་མཁའི་དཀྱིལ་ལུ་ཤར་རུང་།།
དགུང་དང་སྤྲིན་གྱི་སྦུག་ལས།། གསིལ་འོད་ས་ཁར་ལྷོད་སོང་།།
མཚོ་ལུ་ཤར་བའི་པདྨ།། གནམ་ཁ་ལྷོད་དུས་མེད་རུང་།།
ཡར་ངོའི་ཟླ་བའི་འོད་བཞིན།། པདྨའི་པད་འདབ་རྒྱས་སོང་།།
སྐུ་དཀར་མདངས་བའི་མཆོས་རྟེན།། བྲག་གི་སྐེད་པ་བཞུགས་རུང་།།
ནང་ཟུངས་བྱིན་རླབས་ཆེཝ་ལས།། སྙན་གྲགས་ཡོངས་ལ་ཁྱབ་སོང།།
ཡུལ་ལུ་འཁྱམ་པའི་ཨ་དྲུང་།། འོ་རྒྱལ་རྟ་རྒྱུག་རྐྱབ་སྟི།།
མཆོས་རྟེན་བསྐོར་དུས་མེད་རུང་།། དད་པ་ཧིང་ལས་བསྐྱེད་སོང་།།
ཡེ་ཤེས་མཁའ་འགྲོའི་རྣམ་སྤྲུལ།། ཤེས་རབ་མཁས་པའི་ཡིད་འཕྲོགམ།།
ཆོས་གྲོགས་འཛོམས་དབང་མེད་རུང་།། སྒྲོན་གཡབ་འབུམ་པའི་རྒྱན་བཟུམ།།
བློ་ཆུང་བུ་ཚུ་རང་དང་།། བརྩེ་བའི་རླུང་གིས་གཡབས་སྟི།།
No comments:
Post a Comment